Ginkumpirmar ni Vice President Sara Duterte nga magapapili ini bilang presidente sa 2028 presidential elections.
Suno sa bise presidente, naintindihan na sini nga ang iya kabuhi indi lamang para sa iya kag ginkwestyon sini ang kabug-aton sang iya responsibilidad sa iya pamilya, sa pungsod kag sa tanan nga Pilipno.
Suno diri, sa una nga bulan sang iya termino bilang bise presidente nakita sini nga wala gintindogan ni President Ferdinand ‘Bong bong’ Marcos Jr. ang promisa nga ginbuy-an niya samtang nagapangampanya pa lamang.
Bangod nga wala na sini masarangan nga makigbahin sa 2025 national budget nga madamo sang indi husto, mas ginpili niya nga magbiya sa gabinete bisan nga nakahibalo ini nga ang baylo sini amo ang iya impeachment.
Nangayo sang pasaylo si Duterte sa pagbulig sini nga ma-eliher si Marcos bilang presidente kag nagpangayo man ini sang pasaylo sa mga Pilipino nga tubtob sa karun apektado sang baha bangod sa lapnagon nga korapsyon.
Dugang pa sini, iya man ginapagayoan sang pasaylo ang lapnagon nga pag-abuso sang mga pulitiko para sa ila kaugalingon nga interes, padayon nga pagsaka sang presyo sang balaklon bisan nga wala nagasaka sang sweldo, wala sang food security, kag may nagasuprer sang sakit kag ginabawian sang kabuhi bangod sa kakulangan sang health care system.
Pahayag ni Duterte, nahadlok ini para sa bwas damlag sang mga kabataan kag sa mga Pilipino nga yara sa luwas sang pungsod nga wala sang balay kag nagasalig sa Pilipinas nga padayon man nga nagapamigado.
Dugang pa sini, iya man gianakahadlokan nga madulaan sang paglaom ang Pilipino kag mag-abot ang adlaw nga wala na sang Pilipinas nga mahatag sa mga masunod nga henerasyon.
Pahayag ni Duterte, ginahalad sini ang iya kabuhi para magserbisyo sa Pilipino agud mapabalik ang pagto-o sa Diyos, sa pungsod kag sa tanan nga Pilipino.
Sa katapusan ginpahayag sini nga siya ang magapapili bilang presidente sang Pilipinas.
