Ginalantaw sang political analyst sa ciudad sang Bacolod nga indi macite in contempt si Vice President Sara Duterte apisar nga ginhingyo sang bise presidente ang Kamara nga ipa-iway na lang ang question and answer format agud depensahan ang budget sang Office of the Vice President.
Sa interview sang Bombo Radyo Bacolod kay Atty. Jomax Ortiz, indi macite in contempt sang mga kongresista ang bise presidente sa ginpatigayon nga hearing sa Kamara apang ang budget sini ang mahimo buhinan.
Suno kay Ortiz, kun sa iban nga hearing ini ang mahimo, apang sa budget hearing sa Kamara nagapati ang abogado nga indi macite in contempt si Vice Sara Duterte.
Ginpahayag man sang abogado nga naantisipar na sang bise presidente nga gisahon ini sa pagpamangkot sang mga kongresista angot sa confidential fund.
Suno pa kay Ortiz nga husto lamang ang ginhimo sang bise presidente nga indi pagsabat sa mga pamangkot sang mga kongresista agud depensahan ang budget sini.
Dugang pa sini nga indi man mabasol si Vice President Sara Duterte sa pagpahayag nga ginapoliticize ang budget sang pungsod bangud sa mga nagakatabo sa karun.
