VP Sara Duterte, indi magtambong sa una nga hearing sang impeachment complaints sa House Committee on Justice

Nagdesisyon si Vice President Sara Duterte nga indi magatambong sa hearing sang House Committee on Justice tuhoy sa iya nga impeachment case subong nga adlaw.

Ginkumpirmar ini sang iya nga abogado nga si Atty. Michael Poa.

Ini ang pinakauna nga hearing sang impeachment complaints batok sa bise presidente nga una na nga nakitaan nga sufficient in form, substance, kag grounds.

Madumduman nga sang Marso 16, nagsumiter ang kampo sang bise presidente sang ila nga sabat sa impeachment complaints matapos gindeklarar nga sufficient in substance sang tinalikdan nga Marso 4.