Nagpanawagan ang tiglikom sang Department of Education sa mga ginikanan nga indi pagpabay-an ang mga kabataan nga marecruit sang mga miyembro sang New People’s Army.
Sa speech ni Vice President Sara Duterte sa Kabankalan City kahapon, nagkampanya ini batok sa New People’s Army.
Bilang secretary sang Department of Education, nagapati si Duterte nga lyabi sa growth kag security sa palaabuton ang edukasyon.
Ang Peace 911 Project sang Office of the Vice President ang sarang man maaccess sang mga local government units bangud may pondo nga napain para diri.
Suno diri, importante ang investment sa security kag interest sini nga lagson ang mga aktibidades nga nagaapekto sa edukasyon sang mga kabataan.
Nagpanawagan man ini sa mga ginikanan nga proteksyunan ang mga kabataan nagikan sa illegal drugs, criminality, terrorism kag New People’s Army para sa masanag nga bwas-damlag.
Suno sa bise presidente, ang mga rebelde ang kontra sang gobyerno kag nagaguba sang puturo sang mga kabataan.
Dapat nga siguruhon sang mga ginikanan suno sa iya nga makatapos ang mga kabataan.
Aminado si Duterte nga mahapos lang ganyaton ang mga kabataan sa linghod nga paminsaron gani dapat ipalayo sila sa indi maayo nga mga tawo.
