Ginpakita sa House Committee on Justice hearing ang Statement of Assets, Liabilities, and Net Worth (SALN) ni Vice President Sara Duterte sa diin ginbuyagyag nga wala ini sang gindeklarar nga petty cash ukon bank deposits humalin 2019 tubtob 2024, sa pihak sang padayon nga pagsaka sang iya net worth.
Base sa mga dokumento nga ginpresentar sa komitiba, may yara sang liquid assets si Sara Duterte sang nakaligad nga mga tinuig lakip na ang million pesos nga cash kag deposits humalin 2007 tubtub 2018 apang gulpi lang ini nga nadula sa iya mga deklarasyon umpisa 2019.
Suno kay Bicol Saro Rep. Terry Ridon, may yara sang “P50 million gap” sa income ni VP Sara humalin sang nagsulod ini sa gobyerno sadtong 2007.
Suno sa record, nagsaka ang net worth ni Sara Duterte halin sa P7.2 million sang 2007, nangin P88.5 million sang 2024.
Samtang, wala gilayon nagpaguwa sang pahayag ang kampo ni VP Duterte.
