VP Sara, gin-akusaran ang pamilya Marcos nga amo ang sa likod sang pagpatay kay late Senator Ninoy Aquino

Ginpahayag ni Vice President Sara Duterte nga ang pamilya ni President Ferdinand Marcos Jr. ang yara sa likod sang kamatayon ni former opposition leader and late Senator Benigno “Ninoy” Aquino Jr.

Suno sa bise-presidente sang ginpamangkot sang mga reporters natuhoy sa pagpalag ni Marcos sa iya pagpamahog, nagpalag man ang bilog nga pungsod sang ginpatay sang pamilya sang Presidente si Benigno Aquino Jr.

Madumduman nga nagpagwa sang statement si President Marcos nga indi sini pagpabay-an lamang ang criminal attempts kag siya ang magapalag diri.

Magluwas diri, wala naman nakapagwa sang reaksyon ang Presidente natuhoy sa pila ka mga pahayag ni Duterte may kaangtanan sa paghangkat sini sa mga opisyales sang gobyerno nga magpadrug test.