Isa ka adlaw matapos naglunsyar sang mga tirada batok kay President Ferdinand Marcos Jr., nagpatigayon sang Facebook live si Vice President Sara Duterte kagab-i agud hangkaton ang mga top government officials nga magpaidalum sa drug test kag agud nga pahanumduman ang iya mga followers nga sila ang may right to peaceful assembly.
Sa isa ka video sa iya nga social media page kagab-i, ginpahayag ni Duterte nga ginagamit lamang inis ang iya mga kasumpong agud matago ang ila korapsyon.
Suno sa iya, wala na ang mga ini sang may mahaboy sa iya kag ginatabunan na lamang ang ila mga kakulangan sa gobyerno.
Suno diri, siya ang ginahimo nga punching bag agud nga indi masapak kag makita sang mga pumuluyo ang mga tinunto kag korapsyon sa gobyerno.
Ginhangkat man sini ang mga government officials, lakip na ang mga yara sa Office of the President kag Kongreso nga magpaidalum sa drug tests.
Ginpatpat man ni Duterte ang mga campaign promises nga ginhimo ni Marcos, nga amu ang iya running mate sang 2022 kaangay sang P20 per kilo nga bugas nga tubtob sa karun wala pa natuman.
