Ginhatagan sang imbitasyon si Vice President Sara Duterte para sa hearing sang House Committee on Good Government and Public Accountability sa Nobyembre 20 natuhoy sa confidential expenses sang Office of the Vice President.
Ginbaton ni Duterte ang imbitasyon matapos ini ang nagtambong sa House QuadCom hearing nga gintambungan sang iya amay nga si former president Rodrigo Duterte.
Nagpirma naman ang bise-presidente sa ginbaton sini nga kopya sang imbitasyon.
Suno kay House Committee Chairperson Rep. Joel Chua, importante ang presensya ni Duterte agud maghatag sang pagpaathag sa budget utilization sang Office of the Vice Presidente humalin sang ini ang nag-asssume sa opisina sang 2022 tubtob sa karun lakip na ang mga pamangkot natuhoy sa mga proyekta, programa kag mga benepisyaryo sang mga ini kasubong man ang regular kag confidential funds kag iban pa nga related nga mga butang.
