Ginpahayag ni Vice President Sara Duterte nga handa ini nga magpaidalom sa lie detector test.
Suno kay Duterte, pwede sila nga ipaidalom sa lie detector test, apang dapat ipakita sa publiko ang resulta sang lie detector test sa mga alegasyon ni Rodulfo Gracioso Jr.
Panindugan sang Bise Presidente nga si Gracioso mismo ang nag-claim nga siya ang nakapasar sa lie detector test.
Gani, luyag ni VP Sara nga buksan sa publiko ang resulta agud makita kag matsekyar sang tanan ang nangin findings.
Panindugan sang Bise Presidente nga wala siya sang problema kag indi tutol sa pagpatigayon sang lie detector test, ilabi na kun ini ang may transparent nga proseso kag resulta.
Nahibaluan nga si Gracioso ang nagpahayag nga nagdul-ong sang male-maleta nga kwarta sa pila ka miyembro sang pamilya Duterte.
