Nagsabat ang bise presidente angot sa pagcite in contempt sang House Quad Committee sa apat ka mga opisyales sang Office of the Vice President kag Department of Education.
Ang apat ka mga staff sang OVP amo sanday OVP Assistant Chief of Staff kag Bids and Awards Committee Chair Lemuel Ortonio, OVP Special Disbursing Officer Gina Acosta, former DepEd Assistant Secretary Sunshine Fajarda kag former DepEd Special Disbursing Officer Edward Fajarda.
Ginhatagan naman sang tsansa si OVP Chief of Staff Zuleika Lopez matapos nga ginpahayag sini sa iya nga excuse letter nga kinahanglan sini nga buligan ang iya tiya sa luwas sang pungsod.
Bangud sini gin-issuehan lamang ini sang subpoenaa sabaylo nga i-cite in contempt.
Kahapon, nagpatigayon sang press briefing ang bise presidente sa Office of the Vice President-Bacolod City sattelite office kadungan sang ginapatigayon nga QuadCom hearing sa budget sang OVP kag DepEd.
Gin-athag ni VP Sara ang indi pagtambong sang iya mga staff sa nasambit nga hearing ang bangud sa sila ang masako sa pagpreparar sang ila nga mga aktibidad para sa OVP anniversary sa maabot nga Biyernes, Nobyembre 15.
Ginpahayag man sang bise presidente nga suportado sini ang desisyon sang iya nga mga staff kun luyag sang mga ini magtambong sa QuadCom hearing ukon hindi.
Dugang pa ni VP Sara nga indi na ini magtambong sa hearing sa kamara kag indi pa ini handa nga magpang-away.
Suno diri, sa Enero nalang siya magatambong bangud subong masako pa ini para sa 89th anniversary sang OVP.
May yara sang napulo ka satellite offices nationwide ang OVP kag isa diri ang nahamtang sa ciudad sang Bacolod.
Sa press conference, ginpahayag ni Duterte, nga magapadayon sa pag-operate ang satellite office sang OVP tubtob Disyembre 31, 2024.
Suno kay Duterte, indi pa sini masabat kun ano ang matabo sa mga satellite offices sa pag-abot sang Enero 1, 2025 bangud wala pa sang actual nga pondo ang OVP sa masunod nga tuig.
Apang, mahimo man nga makapatuman sang adjustment ang ila nga opisina.
