Antes magbayad sang pyansa, nagpahayag si Vice President Sara Duterte nga siya ang may mga nadokumento nga pagpamahog ukon threats kag harassment humalin pa sang 2023 kag siya ang nagakahangawa para sa safety sang iya nga mga kabataan.
Suno sa Bise Presidente, naggwa siya sa lugar kun sa diin yara ang iya mga kabataan agud magkadto sa korte, apang ginkadtuan gihapon sang kapulisan ang balay.
Pahayag ni VP Sara nga nahadlok ini kag pamatyagan sini siya ang ila nga patyon.
Sa umpisa, nanindugan ini nga siya ang magabayad sang bail sa gwa sang korte sa atubang sang mga tawo, bangod sa kahangawa sa mahimo matabo sa iya kun magsulod.
Ginalantaw niya nga wala man sang pasabtun kun siya ang mapatay kag magapanghugas kamot lamang ang mga kapulisan, sa depensa nga ini ang kabahin sa ila trabaho bisan illegal na.
Suno sa Bise Presidente, nadula na ang pagsalig sini sa kapulisan kag korte, nga dapat amo ang una nga madangpan sang mga pumuluyo para sa hustisya.
Sa pihak sini, indi niya luyag nga biyaan ang mga Pilipino, nga amo nalang ang iya ginsaligan.
Suno kay VP Sara, ginrekomendar sang iya mga abogado ang pagpost sang bail.
