Sa ginpresentar nga dokumento sang prosekusyon, nahibaluan nga nagrequest si Vice President Sara Duterte sang 473 ka security personnel kag adisyunal nga special duty allowance para sa mga miyembro sang Vice Presidential Security and Protection Group (VP SPG).
Suno kay OVP Assistant Chief of Staff Lemuel Ortonio, wala siya sang personal nga ihibalo kun may-ara sang kaangay nga request ang mga nagligad nga bise presidente sang pungsod.
Gilayon man nga nagpamatok ang Depensa angot sa diskusyon sang sweldo, sa panindugan nga ini ang indi sakop sang Commission on Audit findings ukon sang Impeachment Case.
Apang nagsabat naman si Presiding Officer Francis “Chiz” Escudero nga wala sa posisyon si Ortonio agud sabtun ang nangin pahayag sang prosekusyon.
