Ginsabat sang bise presidente ang pahayag sang amay sini nga si former President Rodrigo Duterte nga magbiya na ini sa politika.
Suno kay Vice President Sara Duterte, luyag man sini nga magpahuway na apang kinahanglan sini nga sabton ang panawagan sang masobra 32 million nga nagboto sa iya.
Dugang pa sini, bisan ano pa ang plano, Diyos lamang ang nakahibalo kun ano ang matabo sa palaabuton.
Madumduman nga ginhingyo ni former President Duterte si VP Sara nga magbiya na lang sa pulitika ka magtutok sa negosyo.
Suno kay Duterte, mas maayo pa nga mag-negosyo na lang si Sara para nga matawhay kag indi na lang mag-ambisyon pa bangud bise-presidente naman ini sang pungsod.
Apang suno sa former president, wala man nagapamati sa iya ang iya bata bangud mas nagaapin pa ini sa iya iloy.
Nahibaluan nga ginaimbestigaran sa karun sa Kamara ang bise presidente may kaangtanan sa paggamit sini sang budget sang Office of the Vice President (OVP) kag Department of Education (DepEd) sa iya pagpamuno.
