Sa isa ka social media post, ginpakigbahin ni Vice President Sara Duterte ang pagsindi sini sang kandila kag pagpangamuyo sa Archdiocesan Shrine of St. Vincent Ferrer sa Bogo City, Cebu para sa kalinong sang Pilipinas kag seguridad sang mga Pilipino sa sulod kag sa gwa sang pungsod.
Magluwas diri, iya man ginpangamuyuan ang pagpapauli sang iya amay nga si former President Rodrigo Duterte, nga yara subong sa kustodiya sang International Criminal Court (ICC).
Ginlakip man sang bise presidente sa iya pangamuyo ang halit nga dala sang linog sang tinalikdan nga 2025.
Suno diri, matalupangdan pa gihapon ang mga inagyan sang linog ilabi na sa simbahan.
Ginaagda man sang bise presidente ang publiko nga magpabilin nga malig-on sa pihak sang mga ginapangatubang subong nga mga isyu sang Pilipinas.
Ang pagbisita ang ginhimo isa ka adlaw antes ang natalana nga impeachment trial sa Senado karon sa hapon.
