Naggwa sa General Information Sheets (GIS) sang Metro City Chow Foods Corporation nga nangin member sang board of directors kag stockholder si Vice President Sara Duterte humalin sang 2018 tubtob 2025.
Sa redirect examination sang impeachment trial, ginpamangkot ni Private Prosecutor Atty Erwin Matib si SEC lawyer Gerardo Del Rosario kun ano ang nangin interes ukon role ni VP Sara sa nasambit nga kumpanya.
Suno kay Del Rosario, santo sa mga GIS sang Metro City Chow Foods Corporation, nagagwa nga kalakip si VP Sara sa board of directors kag mga stockholder sang kompanya sa sulod sang nasambit nga tiyempo.
Ang nasambit nga corporate records ang kabahin sa mga dokumento nga ginpresentar sa impeachment proceedings kaangot sang mga business interest nga gina-angot sa Bise Presidente.
Samtang, ginpamangkot ni Senator-judge Raffy Tulfo si Del Rosario kun makabig nga paglapas sa Konstitusyon ang partisipasyon ukon pagpanag-iya sang isa ka public official sa isa ka kompanya, bisan sa gamay lamang nga porsyento sang share.
Panindugan ni Tulfo nga bisan “1 percent ukon 80 percent sang shares” ang participation gihapon, antes niya ginpaklaro kun husto ang iya paghangop nga ini ang paglapas sa konstitusyon.
Ini ang gin-ugyunan naman ni Del Rosario.
