Ginmando ni President Ferdinand Marcos Jr. ang maid-id nga imbestigasyon sa gina-alegar pondo gikan sa China nga nabatun ni Vice President Sara Duterte.
Suno sa Presidente, seryoso ang nasambit nga isyu, kag hinali nga ini ang mapamatud-an, ini ang makabig nga highest level threat sa Pilipinas bangod mabutang sa risgo ang soberanya kag seguridad sang pungsod.
Pahayag sini nga nagakaigo lamang nga imbestigahan sang Department of National Defense (DND) ang nasambit nga isyu bangod kabahin ini sang ila nga mandato.
Apang, pahayag ni Marcos nga indi anay ini magahatag sang konklusyon tubtob nga wala pa mapamatud-an ang alegasyon.
Nagpabutyag sang kahangawa si VP Sara sa pahayag ni Marcos nga makabig “highest national security threat” kun mapamatud-an nga siya ang nakabatun sang kwarta gikan sa China.
Suno kay VP Sara, kaangay nga ginapahiwatig na ni Marcos nga siya ang ginakabig sini nga threat humalin pa sang 2023.
Ginkwestyon sang Bise Presidente ang implikasyon sang pahayag, nga maga-igo man sa mga negosyante nga may trade relations sa China, nga suno diri mahimo man kabigon nga threat sa pungsod.
