Ginpahayag ni Vice President Sara Duterte nga mahimo nga namisunderstood ni President Ferdinand “Bongbong” Marcos Jr. ang iya pahayag nga nagapasalamat ini bangud nangin maayo ang iya relasyon sa iya amay nga si former President Rodrigo Duterte, nga yara sa karun sa kustodiya sang International Criminal Court (ICC).
Suno kay VP Sara, posible nga wala naintindihan ni Marcos nga ang iya duty kag obligasyon ang para sa pungsod kag indi agud kay-uhon ang personal nga problema sang mga pamilya.
Suno sa iya, wala naintindihan sang President ang sarcasm.
Madumduman nga ginsabat ni Marcos sang mga tinaga nga “Glad to help” ang statement sang bise-presidente paagi kay Palace Press Officer Undersecretary Claire Castro.
Suno kay Castro, mas maayo nga magpasalamat anay si VP Sara sa iya amay bangud nakaangkon sila sang tion nga magkaupod bangud sa kaso sini nga extra-judicial killings.
