Mangin epektibo sa Nobyembre 17, 2024 ang saka sa sweldo sang mga private workers sa kabug-usan nga Western Visayas.
Madumduman nga nakaligad nagpatigayon sang hearing ang Regional Tripartite Wages and Productivity Board (RTWPB) VI angot sa daily wage increase para sa private sector workers.
Suno kay Director Sixto Rodriguez Jr. sang Department of Labor and Employment Region 6 (DOLE-6), sa pagpatuman sang wage increase sa Nobyembre 17 magasaka sa P33 tubtob P40 ang daily wage sang empleyado.
Ang non-agriculture sector ang makabaton sang P485 tubtob P513 nga sweldo kada adlaw samtang ang agriculture sector naman ang makabaton sang P480 daily wage.
Gin-aprubahan man ang dugang nga P1,000 monthly increase para sa mga nagatrabaho bilang kasambahay kag sila ang makabaton na sang P6,000 kada bulan.
