Ginkumpirmar ni Belarusian President Alexander Lukashenko nga yara sa karun sa capital sang Russia ang pinuno sang Wagner mercenary group nga si Yevgeny Prigozhin.
Una na nga nakita ang pag-abot ni Prigozhin sa may Federal Security Service (FSB) office sa St Petersburg sa Russia sang Martes, Hulyo 4.
Kaupod ni Prigozhin nga nag-abot ang iya nga security team nga sakay sa Land Cruiser.
Nahibaluan nga nagbalik si Prigozhin sa Russia agud nga bawion ang iya nga nagasolobra nga koleksyon sang mga armas nga una na nga ginkumpiskar sa ginpatigayon nga raid sa iya nga estado sa St. Petersburg sadtong Hunyo 24.
Una na nga nakabaton si Prigozhin sang pormal nga imbitasyon nagikan sa security services sang Russia agud nga mabawi ang nasambit nga armas.
Sang Martes, ginbalik sang mga ahente sang Federal Security Service ang duha ka aiga rifles, isa ka Austrian Mannlicher rifle kag iban pa nga handguns kag rifles.
Kadam-an sa mga ini ang Glock pistol nga nakaengraved ang pangalan ni Prigozhin.
Ini ang ginhatag bilang regalo sadto kay Prigozhin nagikan kay Russian Defense Minister Sergei Shoigu nga luyag pagtimalusan sang Wagner chief.
