BACOLOD CITY– Patay ang isa ka waiter nga biktima sang pagkalumos sa Hacienda Tabayag Brgy. Dos Hermanas Ciudad sang Talisay kahapon.
Ang biktima ang ginkilala kay Joven Cabading, 38-anyos, tumandok sang Tigbauan, Probinsya sang Iloilo kag nagatrabaho bilang waiter sa tudos Areglos Restaurant sa Brgy. Villamonte.
Sa Interview sang Bombo Radyo Bacolod kay John Mark Quilanton upod ni Cabading, ginpahayag sini nga nagpanyaga, naga-inom-inom kag naga-istoryahanay ang mga ini kaupod sang biktima apang hinali gidlamang ini nadula sa ila panulukan.
Ginpahayag man sini nga indi madalom ang tubig bangud wala man ini nakalab-ot sa ila tuhod.
Dugang pa ni Quilanton nga galaoum ini nga nagapaligo lang ang biktima nga nagahayangaon snag tubig apang sang ginpalapitan sini didto na nadiskubrehan nga daw tuman nagid ka bug-at ang biktima.
Ginatan-aw man sang mga ini nga basi nalipong ang biktima bangud may mga beses nga nagataas ang sugar sini.
Ginbuligan sang mga ini nga patakason ang biktima kag gindala sa emergency clinic sang health center apang ginpronunsyar nga dead on arrival.
