Nasapwan nga wala na sang kabuhi ang isa ka lalaki nga apat na ka adlaw nga ginapangita sa siyudad sang La Carlota.
Sa interview sang Bombo Radyo kay Police Lieutenant Colonel Lowel Garinganao, hepe sang La Carlota City Police Station, nasapwan sang isa ka Baranagy Tanod ang bangkay ni Emilio Aries Dumangcas nga yara sa kalog sa kilid sang kampo.
Suno diri, ulihi nga nasiplatan ang biktima nga nagbakal sa isa ka tiyangge kag matapos sadto apat na ini ka adlaw nga wala nakapauli.
Ini na lamang nasapwan nga wala na sang kabuhi nga yara pa sa motorsiklo sini.
Sa imbestigasyon sang kapulisan, ginalantaw nga bangod sa kahubogon na aksidente ang biktima rason sang iya kamatayon.
Yara pa man sa biktima ang mga kagamitan sini lakip ang iya bag kag cellphone.
