Wala sang may narekord nga seryoso nga injuries ukon untoward incidents sa Traslacion ukon kapiyestahan ni Hesus Nazareno.
Suno kay Manila Police District (MPD) director Police Brig. Gen. Arnold Thomas Ibay, magluwas lamang sa foot injuries kag hypertension nga na-eksperyensyahan sang pila ka mga deboto, wala sang serious injuries kag untoward incidents sa bilog nga durasyon sang prosesyon.
Nagdugay sang masobra 20 ka oras para mabalik ang imahe ni Hesus Nazareno sa Minor Basilica kag National Shrine of Jesus Nazareno ukon Quiapo Church.
Suno sa MPD chief, mangin ang mga deployed policemen ang naka-eksperyensya sang elevation sang blood pressure bangud sa ila hectic nga schedule.
Magluwas sa mga deboto, naka-eksperyensya man ang mga pulis sang elevated blood pressure kag kinahanglan nga icheck-up bangud sila ang on-duty sang masobra 24 ka oras kag sila ang nagapahuway lamang sa ila tagsa-tagsa ka mga lokasyon.
