Walo ka dugang nga mga overseas Filipino workers nagikan sa Lebanon ang nakapauli na sa Pilipinas kahapon sang hapon.
Suno sa Department of Migrant Workers (DMW), ang mga OFW returnees ang nag-abot sa Ninoy Aquino International Airport Terminal 1.
Bangud diri, nagdangat na sa 450 ang numero sang mga repatriated OFWs kag dependents sa 28 humalin Oktubre 2023.
Sa sini nga tiyempo, ginpasaka sang Pilipinas ang Lebanon sa Alert Level 3 nga nagapatimaan sang voluntary repatriation.
Sa pagbalik sang mga OFWs, sila ang makabaton sang P75,000 nagikan sa DMW AKSYON Fund; P75,000 nagikan sa Overseas Workers Welfare Administration (OWWA), kag livelihood assistance nga nagabalor P20,000 nagikan sa Department of Social Welfare and Development.
Sa tunga sang nagalala nga konflikto sang Israel kag Hezbollah, nagapadayon ang gobyerno sang Pilipinas sa pagpanawagan sa mga Filipino nga i-avail ang repatriation.
