Nakapauli na sa Pilipinas ang walo ka mga seafarers sang MV Eternity C nga gin-atake sang Houthi rebels sa Red Sea.
Ginpangunahan ni Department of Migrant Workers (DMW) Secretary Hans Leo Cacdac ang pagsugata sa mga seafarers nga nag-abot sa Ninoy Aquino International Airport Terminal 1 sang Hulyo 16, 2025.
Antes ang pag-abot sang mga ini, nahatagan na sila sang una nga bulig nagikan sa Philippine Consulate General sa Jeddah, Saudi Arabia.
Tanan sang mga ini ang mahatagan sang financial assistance paagi sa Aksyon Fund sang DMW, Emergency Repatriation Fund nagikan sa Overseas Workers Welfare Administration (OWWA) kag sa Department of Social Welfare and Development (DSWD) Office.
Mahatagan man ang mga ini sang comprehensive reintegration support nagikan sa Technical Education Skills and Development Authority (TESDA).
