Walo ang nagpositibo sa mandatory drug test nga ginpatigayon sa mga empleyado sang Negros Occidental Provincial Government sang Disyembre 11 kag 12.
Suno kay Provincial Administrator Atty. Rayfrando Diaz, walo ka mga lalaki ang nagpositibo sa drug test kun sa diin pito diri ang positibo sa paggamit sang illegal nga druga nga shabu samtang isa naman sa marijuana.
Samtang may 20 naman nga may “grey result” ukon indi pa klaro nga resulta, kag ang 20 nga ini ang igalakip sa walo nga nagpositibo nga subject para sa confirmatory test.
Sa karun, lista sang pangalan kag lugar pa lamang kun diin sila nagkuha sang drug test may yara si Diaz, sa karun padayon pa ang paghibalo kun regular, casual, job order ukon contract of service employees ang mga ipaidalum sa confirmatory test.
Pahayag ni Diaz, kun casual, job order ukon contract of service ang nagpositibo, indi na pag-irenew ang ila kontrata sa masunod nga tuig.
Samtang, may yara pa sang next round para sa mandatory drug test para sa mga district ospital sa probinsya.
