Preparado na ang Bacolod City sa obserbasyon sang tigkalalag subong nga tuig.
Sa interview sang Bombo Radyo Bacolod kay Bacolod City Mayor Greg Gasataya, nagmeeting na sila sang sang Biyernes kag naplastar naman ang tanan.
Suno kay Gasataya naplastar na ang mga kapulisan, katapo sang General Services Office sang ciudad pati na ang mahimo baligyaan sang mga bulak nga gin-aprubahan man sang Sangguniang Panlungsod.
Natalana subong nga adlaw i-issue ang permit para sa mga vendors.
Tingog ni Bacolod City Mayor Greg Gasataya
May yara sang walo ka areas nga gin-aprubahan ang Sangguniang Panlungsod sang Bacolod City nga mahimo nga mabaligyaan sang bulak kag kandila.
Sa interview sang Bombo Radyo Bacolod kay Atty. Mark Mayo, Bacolod City Administrator, ang gin-aprubahan sang SP nga mabaligyaan ang ginalakipan sang Handumanan cemetery; Granada Cemetery, Libertad Public Market may yara sang duha nga ginalakipan sang sa Hernaez kag Mabini Street, sa Bacolod Plaza ang may yara man sang duha nga ginalakipan sang San Juan St kag Gonzaga St.
Ang Burgos Public Cemetery ang may duha man ka lugar mahimo nga baligyaan ang ginalakipan sang sa sementeryo mismo padulong sa corner Lopez Jaena, kag Burgos Market sa corner Hilado kag corner Ramos.
Tingog ni Bacolod City Administrator Atty Mark Mayo
Nafacilitate na ang special permits kag may yara sang masobra sa 138 ka mga permits ang natalana nga irelease.
Ginalauman nga magsaka ang numero sang vendors.
Ang mga bulak ang mahimo nga ibaligya sa October 29 tubtob November samtang ang pagkaon kag kandila ang mabaligya sa October 31 tubtob November 2.
