Walo ka mga persona ang nadakpan sa drug buybust operation nga ginpatigayon sang Bacolod Police Station 2 sa Purok Lampirong, Barangay 2, Bacolod City.
Sa interview sang Bombo Radyo kay Police Captain Paul Vincent Pendon, station commander sang Bacolod Police Station 2, ang subject person ang ginkilala kay Edmar Escala alyas Bobo, 24 anyos, residente sang Purok Narra Baybay, Barangay 8, Bacolod City.
Naaresto man sanday Jon Segovia, 42 anyos; Jose Marie Divino, 30 anyos; Eduard Cubias, 33 anyos; April Rose Perez, 27 anyos; Hermogenes Gacho; Eduardo Perez, 36 anyos; kag Gabriel Decker, 18 anyos.
Nakuha sa ila paghinakop ang apat ka elongated heat sealed transparent plastic sachet sang suspected shabu; apat ka small heat sealed transparent plastic sachet sang suspected shabu; tatlo ka improvised tooter; isa ka P500; kag isa ka coin purse.
Ang nakumpiskar nga illegal nga druga ang ginabanta nagabug-at sang tatlo ka gramos kag may estimated market value nga P20,400.
Sa karun nakahunong ang mga ini sa Bacolod Police Station 2 kag natalana nga pasakaan sang kaso nga paglapas sa R.A. 9165 ukon Comprehensive Dangerous Drugs Act of 2002.
