Nakabalik na ang walo ka pamilya nga nag-evacuate matapos nga liwat nga nag-awas ang tubig sa Ibid Creek sa Sitio Tamburong, Barangay Biaknabato, La Castellana, Negros Occidental kasunod sang pagbubo sang mabaskog nga ulan sang tinalikdan nga adlaw.
Sa interview sang Bombo Radyo Bacolod kay La Castellana Municipal Mayor Añejo Nicor, nag-evacuate ang walo ka pamilya bangud sa pag-awas sang tubig sa creek nga nagtapan bangod sa nagtipon nga lahar flow gikan sa Bulkan Kanlaon.
Sa karun nagapadayon ang clearing operations sa Ibid Creek agud nga makuha ang mga nagbara nga volcanic materials.
Suno kay Nicor, naga-ayo sila nga madugangan ang heavy equipment nga magabulig sa clearing operations.
Sa karun may apat ka heavy equipment kag duha ka dump trucks nga nagapatigayon sang clearing operations.
Suno diri, nagapanawagan man sila sang bulig gikan sa national government agud nga masolusyunan ang ginapangatubang nga problema sang banwa.
