Ginkumpirmar sang acting chief of operations division sang Land Transportation Office 6 nga may yara sang walo ka Private Motor Vehicle Inspection System (PMVIS) nga tukuron sa Negros Occidental.
Sa interview sang Bombo Radyo kay Atty. Allan Sacramento, ginpahayag sini nga duha ka PMVIS sa Bacolod, isa ka Himamaylan, isa sa Cadiz kag isa sa Kabankalan ang para sa mga heavy motor vehicles samtang duha sa Bacolod kag isa sa Kabankalan ang para sa light motor vehicles ang plano nga igatukod.
Suno kay Sacramento, aprubado na ang walo ka mga local government units samtang ginapropose pa ang sa ciudad sang Talisay kag Bago.
Ginpahayag man sini nga wala pa sila nakabaton sang resolution ni Councilor Dindo Ramos nga igadefer anay ang PMVIC kag ila pa ini ginahulat.
Suno diri, kun ila na ini mabaton, ila ini igarefer sa Department of Transportation apang tubtob nga wala pa sang bag-o nga implementasyon, magapadayon ang polisa nga ila ginapatuman sa karun agud makahatag sang mas reliable kag efficient nga inspection.
