BACOLOD CITY-Matapos ang 15 ka oras nga pagpangita, patay na ang walo ka tuig nga bata nga lalaki sang masapwan sang mga otoridad matapos malumos sa Himamaylan River sa Brgy. 3, Himamaylan City, Negros Occidental.
Sa interview sang Bombo Radyo kay Commander Jansen Benjamin, Chief sang Coast Guard Station Negros Occidental, ginpahayag sini nga mahimo nagapaligo ang biktima sa suba kag nagbubo ang mabaskog nga ulan kag naabtan sang daludo sang tubig.
Nadula ang bata alas-3:00 Domingo sang hapon kag kahapon sang aga na nakita.
Nasapwan ang bata sa Luguay River kag positibo man nga ginkilala sang iya sang amay.
Wala man matumod kun may yara sang upod ang bata sang ini ang nagpaligo.
Isa man sa ginalantaw nga rason sang pagkalunod sini ang mataas nga tubig santo man sa deklarasyon sang attending physician.
