Naeksperyensyahan ang “unprecented rainfall” sa eastern Japan nga nagtuga sang malapad nga pagbaha kag landslide nga nagresulta sa kamatayon sang walo ka indibidwal kag linibo nga stranded sa Tokyo Narita Airport.
Nadulaan man sang kuryente sa kapin 20,000 ka mga pamalay tuga sang makusog nga pagbubo sang ulan.
Ginpaidalom sa level five emergency ang pila ka mga lugar nga amo ang pinakataas nga alert level, sang Huwebes samtang nanaug na ini sa level 4 kahapon sang Biyernes.
Linibo man ang nagbakwit bangud sa paabiso sang gobyerno sa posibilidad sang landslide.
Masobra 7,000 ka mga pasahero ang stranded sa nasambit nga airport tubtob mag-aga.
Ang baha ang kasunod sang mga serye sang mga bagyo nga nagtupa sa Japan kag mga kaingod nga pungsod sini nga semana.
