Ginkumpirmar sang Provincial director sa Negros Oriental Police Provincial Office (NORPPO) nga si Alex Mayagma, nga napatay sa sulod sang rooster gamefarm nga ginapanag-iyahan ni suspended Congressman Arnulfo “Arnie” Teves Jr. sa Bayawan City, Negros Oriental matapos nagbato sa mga kapulisan, ang isa ka hitman kag miyembro sang isa ka private armed group sa probinsya.
Pahayag ni NORPPO Director Police Col. Ronan Claraval, si Mayagma ang ginserbihan sang warrant of arrest bangod sa madamo nga mga kaso sang pagpamatay.
Apang sang ini ang arestuhon na siya ang una nga nagpalupok sang armas luthang, tubtob sa mapatay sang Police personnel.
Suno kay Claraval, si Mayagma ang miyembro sang isa ka private armed group apang madamo naman sa grupo sini ang nadakpan na samtang ang iban ang nagpalagyo sa gwa sang probinsya.
Ini matapos ang ginpasanyog pa nga mga police operations sumugod sang natabo ang pagpatay kay Negros Oriental Governor Roel Degamo sang Marso.
Si Mayagma ang ginatudlo man nga hitman ni Teves apang ini ang indi pa kumpirmado.
Dugang pa ni Claraval nga ang pangalan ni Mayagma ang makapila naman nga naggwa sa mga ginpatigayon nga Senate hearing natuhoy sa mga pagpamatay sa Negros Oriental.
Ginapanawagan naman sang NORPPO Director sa mga pamilya sang mga nangin biktima ni Mayagma, nga maggwa kag magbulig sa imbestigasyon.
