Naigo sang long-range drones sang Ukraine ang isa ka warehouse sang Wildberries, ang pinakadako nga online retailer sa Russia, sa bahin sang Yekaterinburg, Ural Mountains, masobra 2,000 kilometros ang kalayuon humalin sa border sang Russia kag Ukraine.
Santo sa mga opisyal kag kompaniya, tatlo ka drone ang nag-igo sa atop sang pasilidad kag nagtuga sang sunog.
Nagdangat sa 800 ka mga indibidwal ang ginabakwit kag wala naman sang na-record nga nasamaran.
Santo naman sa Wildberries, wala nagresulta sa dalagko nga damages sa produkto ang nasambit nga pagpang-atake.
Kabahin ini sang drone innovation sang Ukraine sa diin makalunsyar ini sang pagpang-atake sa malagyo nga target gamit ang drones.
Kalakip sa target ang isa ka oil refinery sa western Siberia nga halos 2,500 kilometros humalin sa border.
