WARNING SENSITIVE CONTENT | Wala na sang kabuhi sang masapwan ang 18-anyos nga Grade 9 student nga ginapatihan nag-utas sang kaugalingon nga kabuhi sa Purok Newton, Barangay Taloc, Bago City, alas-6:10 sang aga kahapon.
Santo sa report, alas-6:20 ang takna sa aga sang ginpahibalo ni Barangay Taloc Tanod Commander Rodney Capillo sa Bago City Police Station ang insidente.
Sa inisyal nga imbestigasyon, ginpahayag ni Rodolfo Paclibar, isa ka mamumugon kag residente sa nasambit nga lugar, nga nagapadulong ini sa bukid sang nadiskubrehan sini ang lawas sang tawo nga nagabitay sa puno sang akasya gamit ang pisi.
Santo sa imbestigasyon, pasado alas-4:00 sang hapon sang Dominggo, Hunyo 28, magkaupod si alyas “Lemuel” kag ang biktima sa isa ka computer shop sa diin naglog-in ang iya abyan sa Facebook account sini.
Suno kay Lemuel, nagbaisay ang iya abyan kag ang kahagugma sini paagi sa chat.
Matapos sadto antes sila nagpauli, nagsugid sa iya ang biktima nga nagaplano ini nga utason ang kaugalingon nga kabuhi.
Santo naman sa salaysay sang amay sang biktima, naghulam ang iya bata sang cellphone pasado alas-10:00 sang gab-i sadto nga adlaw kag ginkakas ang Facebook account nga nakalog-in sa nasambit nga device antes ini nagwa sa ila nga balay.
Sa ginpatigayon nga eksaminasyon sa bangkay, wala sang nakit-an nga senyales sang foul play.
Gindala pa sa ospital ang biktima apang gindeklarar ini nga dead on arrival.
