Warrant of Arrest batok kay former Ako Bicol Representative Zaldy Co, ginserbe sa Taguig apang condo unit madugay na nga sirado suno sa mga bantay

Ginpadulungan sang mga katapo sang Southern Police District kag Taguig City Police ang unit ni resigned Cong. Zaldy Co sa Horizon Homes, Shangri-La sa Bonifacio Global City agud i-serbe kuntani ang warrant of arrest sa anay kongresista.

Naka-seal ang unit sang naabtan sang kapulisan las-11 kaina sang aga.

Suno sa duty manager kag security manager sang building, masobra isa ka bulan na nga nakaselyu ang unit kag wala na gina-istaran.

Sang Biyernes, gin-anunsyar ni Pres. Ferdinand Marcos, Jr. nga may yara na sang warrant of arrest batok kay Co kag 17 ka iban pa halin sa DPWH kag Sunwest, Inc. may kaangtanan sa flood control scam.