Mas nagalala ang tensyon sa Middle East samtang nagapreparar ang Iran kag ang mga kaalyado sini sa ila pagtimalos sa assassination sang political leader sang Hamas nga ila ginbasol sa Israel, nga nagatuga sang mga kahangawa nga maglapad ang regional war.
Suno sa Estados Unidos, nga kaalyado sang Israel, pagasayluhon sini ang mga warships kag fighter jets sa rehiyon samtang nagpanawagan ang Western governments sa mga pumuluyo nga magbiya sa Lebanon kun sa diin nakabase ang Hezbollah nga suportado sang Iran kag ginkanselar sang mga airlines ang mga flights.
Ang kamatayon sang pinuno sang Hamas nga Ismail Haniyeh sa Tehran ang gintunaan sang mga promisa nga pagtimalos sang Iran.
Ang mga grupo nga suportado sang Iran nagikan sa Lebanon, Yemen, Iraq kag Syria ang naga-intra na sa malapit napulo ka bulan nga gyera sa tunga sang Israel kag Palestinian militant group nga Hamas sa Gaza.
Suno sa Iran, ginalauman sini ang Hezbollah nga mag-atake sa sulod sang Israel kag indi lamang maglimita sa military targets.
Suno sa Pentagon, mas ginpasanyog pa sini ang ila military presence sa Middle East agud maprotektahan ang mga US personnel kag madepensahan ang Israel.
