Ginpresentar ni Bacolod City Mayor Alfredo “Albee” Benitez ang mga nahimo sini sa tatlo ka tuig nga pagpungko bilang alkalde sang ciudad sang Bacolod.
Pila sa mga ginpresentar sini amo ang BACHP, solo parent, Business One Stop Shop, kasubong man digitalization kag online transactions.
Suno sa alkalde luyag sini nga magpapili bilang kongresista bangud nagapati ini nga mas malab-ot sini ang handum para sa ciudad sang Bacolod nga mangin super city.
Wala man ini naghinulsol si Bacolod Mayor Albee Benitez, nga nagapapili Kongresista sa iya nangin desisyon nga makaupod ang nagabug-os sang Asenso Bacolod karon nga 2025 midterm elections.
Samtang, wala naman gin-isa isa ni Bacolod City Lone District Congressman kag karun nagapapili bilang alkalde snag ciudad sang Bacolod ang mga hinumuan sini sabaylo ginpasalamatan sini ang tanan nga naghatag sang pagsalig sa iya.
Sa speech ni Bacolod City Lone District Congressman ang Mayoralty Candidate Greg Gasataya, indi na kinahanglan pag-isa isahon ang iya nga mga hinimuan agud nga magserbisyo sa mga pumuluyo sang ciudad.
Nagpasalamat man ini sa tanan nga nagapadayon sa pagsuporta sa iya kag Ginpasaka ni Congressman Greg Gastaya ang iya pamilya kag ginpresentar sa publiko dala ang pagpasiguro nga indi pag usaron ang posisyon sa gobyerno para sa personal nga negosyo.
Ang Team Asenso ang ginabug-usan nanday Bacolod City Mayor Albee Benitez nga nagapapili bilang kongresista, Congressman Greg Gasataya nga nagapapili bilang alkalde kag Councilor Claudio Jesus “Kalaw” Puentevella nga nagapapili bilang bise-alkalde, Abang Lingkod Partylist kag 12 ka mga kandidato sa pagkakonsehal.
