Madamo man nga mga supporters sang Team El Cid ang nagpadulong sa Bacolod City Public Plaza agud nga magpakita sang suporta sa Opening Salvo sang pagkampanya.
Ginlatag ni Former Bacolod City Mayor Evelio “Bing” Leonardia kag nagapapili bilang Congressman ang plataporma sini kag nagpasalig nga bisan ano matabo indi ini maghalin sa ciudad sang Bacolod.
Ginpahayag man ni Leonardia nga tumandok ini sang Bacolod City kag madamo ini sang classmate sa ciudad bangud diri ini nag-eskwela, nakakita sang trabaho kag nagtukod sang pamilya.
Suno pa sa anay nga alkalde nagdesider ini nga magpapili bilang kongresista apisar nga wala ini sang kwarta kag duha lang ang puede sini himuon ini ang mabato ukon magpalagyo.
Samtang si Bacolod City Vice Mayor kag Mayoralty candidate El Cid Familiaran ang naglatag man sang iya plataporma.
Sa speech ni Familiaran, solusyon sa gutom kag ikaayong lawas ang himuan sini sang paagi agud nga masolusyunan sa tion ini nga mapilian kag magapungko bilang alakalde sang ciudad.
