Nag-ibwal ang madamo nga netizens matapos makita ang social media post kun sa diin pwersahan nga ginpahalin sang security guard sang SM Megamall ang babayi nga estudyante nga nagapungko sa isa ka hagdan bitbit ang baligya nga Sampaguita.
Makita sa video nga ginbutong kag ginpuspos sang gwardiya ang baligya nga Sampaguita sang magahalin na kuntani ang bata, gani ini ang na-akig kag ginpaspas ang iya napuspos nga Sampaguita sa gwardiya.
Ginsipa pa sang nasambitan nga gwardiya ang bata kag ginpahalin sa lugar.
May pila naman nga nagdepensa sa gwardiya kag nagapahayag nga ginahimo lang sini ang trabaho, bangod ini ang mahimo man nga maakigan kun indi mapahalin ang bata.
Apang mayorya sa mga komento ang nagapabutyag sang kaakig sa gina-alegar sobra-sobra nga ginhimo sang gwardiya sa estudyante nga nagapangabuhi sa lamharon sini nga edad.
Nagpagwa naman sang official statement ang SM Megamall management nga nagapahayag nga imbestigaran sang maayo ang kaso.
Samtang ang security guard ang gindismiss naman sa serbisyo kag indi na mahimo makatrabaho sa diin man nga branches sang mall.
