Ginpaandaman sang isa ka senador si former Palace spokesperson Harry Roque nga sarang ini nga macite in contempt sa Senate hearing natuhoy sa illegal POGOs bangud sa pagdisrespect sang chairperson matapos si Roque ang daw kaangay nga nagpamwersa.
Si Roque ang nagtambong sa hearing sang Senate Committee on Women sang Lunes nga ginpangunahan ni Senator Risa Hontiveros agud ipanginwala ang iya kaangtanan sa Lucky South 99, isa ka POGO sa Porac, Pampanga nga ginraid bangud sa ginaalegar illegal nga mga aktibidad.
Samtang nagasinggit, gin-akusahan sini si Hontiveros nga ginaduso nga siya ang konektado sa illegal POGO.
Una na nga ginpresentar ni Hontiveros kag sang PAGCOR ang isa ka dokumento nga nagalista kay Roque bilang “legal” officer sang Porac POGO.
Apang suno kay Roque, ang dokumento ang wala nagapamatuod sang iya kaangtanan sa Lucky South 99 kag ginlecturan ang mga enador sang rules sang Senado sa pagpresentar sag ebidensya.
Suno kay Hontiveros, indi na sini kinahanglan nga hambalan ang committee natuhoy sa rules sa Senado.
Nagsabat naman si Roque nga siya ang isa ka resource person nga gim-imbita kag naga-intra ini sa pagpangita sang kamatuoran.
Nagpatunga si Senator Sherwin Gatchalian kag ginhingyo si Roque nga respetuhon si Hontiveros bangud kun indi, siya ang sarang nga macite in contempt nga pagatunaan sang iya pagkaaresto kag detention sa Senado.
Nagpangayo naman sang pasaylo si Roque.
