Ginpahayag ni President Ferdinand “Bongbong” Marcos Jr. nga maga-shutdown ang gobyerno sang ginpamangkot ini natuhoy sa contingencies kun nagrule ang Korte Suprema nga pabor sa petition nga nagahangkat sa constitutionality sang General Appropriations Act ukon sang national budget para sa 2025.
Suno kay Marcos, ini ang luyag sang mga critics nga madestabilize ang gobyerno apang gin-athag sini nga ang GAA ang nahamtang sa solid footing sa bahin sang constitutionality.
Madumduman nga nagfile sang petition ang anay executive secretary ni Marcos kag sa karun senatorial aspirant Vice Rodriguez kag Davao City 3rd District Representative Isidro Ungab sa Korte Suprema nga ideklarar nga unconstitutional ang 2025 national budget sa tunga sang mga alegasyons ang iregularidad kag ginaalegar blank items sa bicameral conference committee report.
