Gintawag ni President Ferdinand “Bongbong” Marcos Jr. nga “butigon ukon liar” ang alegasyon ni former President Rodrigo Duterte natuhoy sa irigularidad sang 2025 National Budget.
Pahayag sang karun nga Presidente nga bilang anay Presidente, nakahibalo si Duterte nga indi pwede mapasar ang General Appropriations Act nga may-ara sang blangko sa mga items.
Dugang pa sini nga nakahibalo si Duterte nga sa bilog nga maragtas sang Pilipinas, wala pa natabo ang kaangay sang alegasyon.
Paathag sini nga wala ginapahanugutan sa GAA ang item nga wala nabutang kun ano ang proyekto kag kun para sa diin ang galastuhan.
Pila sa mga nagakwestyon ang may argumento nga indi mahimo matsekyar isa-isa ang 4,057 pages nga 2025 GAA
Kun luyag makaseguro, hangkat ni Marcos nga pangitaon ang gina-alegar blank check sa kopya nga available sa website sang Department of Budget and Management.
