Nagtaliwan na ang lalaki nga empleyado sa Negros Occidental provincial capitol nga nagpositibo sa coronavirus.
Sa interview sang Bombo Radyo kay Renelo Lastierre, vice president sang Progressive Alliance of Capitol Employees (PACE) ang 53-anyos nga watchman ang nagtaliwan kagab-i samtang naka-confine sa Corazon Locsin Montelibano Memorial Regional Hospital.
Siya ang tumandok sang Murcia, Negros Occidental.
Nagatrabaho ini sa Safety and Security Division nga ginapamunuan ni Lastierre kag assigned sa Office of the Vice Governor.
Suno kay Lastierre, nagasuprer man sang high blood, asthma kag diabetes ang watchman.
Nahibaluan nga nalakip ang Office of the Vice Governor sa pila ka mga opisina sa Kapitolyo nga nakompromiso ang operasyon bangud sa COVID cases apang ginatumod pa kun sa diin nalatnan ang watchman.
Nagpositibo man ang asawa kag anak nga lalaki sang pasyente.
Ang iya anak ang nagatrabaho bilang nurse sa gobyerno kag naka-intubate sa karon sa Teresita Lopez Jalandoni Provincial Hospital.
Bilang miyembro sang PACE, ang watchman ang magabaton sang kabug-usan nga P40, 000 nga financial assistance nagikan sa kapitolyo.
