Nagpadala na ang provincial government sang Negros Occidental sang water filtration truck agud nga maghatag sang malimpyo nga tubig sa mga residente bangud ang mga water source kaangay sang bubon ang napuno sang abo nagikan sa Bulkan Kanlaon matapos nga liwat ini nga nag-alburuto kahapon sang kaagahon.
Sa interview sang Bombo Radyo Bacolod kay Negros Occidental Governor Eugenio Jose “Bong” Lacson, ginpahayag sang Philippine Institute of Volcanology and Seismology (PHIVOLCS) nga light eruption ang natabo.
Suno kay Lacson, ang nasambit nga volcanic eruption ang indi pa culminating eruption kun sa diin may dala na nga mga bato ang ginabuka sang Bulkan Kanlaon.
Wala man sang ginpatigayon nga dugang nga evacuation bangud nagapabilin sa Alert level 3 ang Bulkan.
May yara naman sang mga bulong nga ginhanda ang Provincial Health Office bilang preparasyon sa mga masakit nga mahimo matuga sang abo kaangay sang asthma kag iban pa.
Manageable ang sitwasyon kag padayon man ang paghatag sang provincial government sang bulig sa mga evacuees kag mga naapektuhan sang pag-alburuto sang Bulkan Kanlaon.
