Nagdangat sa 21 ka mga banwa kag ciudad ang apektado sang mga pagbaha tuga sang ginpabaskog nga Southwest Monsoon ukon Hangin Habagat.
Sa interview sang Bombo Radyo Bacolod kay Negros Occidental Provincial Disaster Risk Reduction and Management Office Head Irene Bel Ploteña, as of alas-6:00 kagab-i ang mga apektado nga local government units (LGUs) ang ginalakipan sang La Carlota City, Bago City, San Enrique, Moises Padilla, Pontevedra, Sipalay City, Hinobaan, Isabela, Cauayan, Hinigaran, Binalbagan, Valladolid, Ilog, Pulupandan, Kabankalan City, Murcia, La Castellana, Himamaylan City, Silay City, Talisay City kag Victorias City.
Nagdangat naman sa 27,421 ang pamilya nga apektado ukon 91,046 ka indibidwal.
Ang evacuees ang gina-atinder naman sang mga LGUs, kag aminado ini nga may mga ginpahanugutan na nga makapauli.
Apisar nga medyo nagkulpa na ang mga baha, ang iban nga mga evacuees ang gin-abisuhan nga magtinir sa evacuation center bangod madamol gihapon nga mga pag-ulan.
May-ara naman sang recorded nga landslide nga nagluntad sa Sipalay City kag Moises Padilla.
Sila ang nagapangayo man sang bulig sa Department of Social Welfare and Development (DSWD) kun kinahanglan sang kabulig sa clearing sang mga dalan.
Panawagan sini nga kun may abiso ang LGU sa evacuation, magsunod na lamang ilabi na kun nagapuyo sa mga landslide prone areas, malapit sa suba ukon coastal communities kag indi na irisgo pa ang kabuhi sang pamilya.
