Ginpasalamatan ni Bacolod City Mayor Greg Gastaya nga natigayon na nga masaylo ang water pipe nga yara sa tunga sang Bakyas Bridge sa Barangay Mansilingan kahapon.
Suno sa alkalde, humalin pa sang tinalikdan nga tuig nga gina-follow up ang pagpakakas sang tubo kag sa karun iya ginakalipay nga natuman sang BACIWA-Primewater ang ila commitment santo sa meeting nga ginpatigayon sang nakaligad nga semana angot sa pagkakas sang tubo.
Suno naman kay Engr John Arlan Canatoy, maintenance head sang PrimeWater- Bacolod, naeksperyensyahan ang water interruption sa bahin sang Brgy Mansilingan, Brgy Taculing, Brgy 16, 24, 35, 28, 40 kag iban pa nga area kasunod sa pagkakas sang tubo sa tunga sang taytay.
Suno diri, may yara sang duha ka open trench nga buhosan sang semento kag ibalik anay ang paglabay sa daan nga taytay tubtob nga magmala na ang semento.
Pahayag ni Canatoy, iya man ginakalipay nga natigayon na nga nakakas ang tubo kag nagpasalamat ini sa paghangop sang mga pumuluyo.
