Magapatigayon sang water rationing ukon pagsupply sang tubig ang Bacolod City Government sa mga lugar nga wala ukon mainit ang tubig sang tubig.
Sa pahayag ni Bacolod City Mayor Alfredo “Albee” Benitez, 84 million liters per day (mld) ang ginasupply nga tubig sa ciudad sang Baciwa-Prime Water apang ini ang nagpanaog sa 79 mld as of kahapon.
Ini ang ginalauman nga magpanaog pa subong nga summer season.
Sa karun pila ka mga area partikular na sa Southern Bacolod kaangay sang Barangay Mansilingan, Handumanan, Aljis, Taculing, Singcang Airport kag Sum-ag ang may oras lamang kun sa diin nagatubod ang tubig sa gripo, nga masami kaagahon.
Suno kay Benitez, 53 mld sang water supply sa Bacolod ang gikan sa deepwell.
May portion man sa Northern Bacolod nga maninit ang supply sang tubig, apang ang water rationing ang una nga buhaton sa South bangod mas madamo ang apektado.
Suno kay Mayor Albee, ginmando sini ang pag-activate sang water tanks kag pagdeliver sang tubig sang Bacolod City Disaster Risk Reduction and Management Office, Baciwa-Prime Water kag iban pa.
Ginpasalig naman sang Baciwa-Prime Water nga may magasulod nga dugang nga supply sa ulihi nga semana sang Marso, apang ginalantaw ni Mayor Albee nga mahimo ini ang madelay pa kag mapatuman sa una nga semana sang Abril.
Nagpresentar man sang Water Security Plan ang Baciwa-Prime Water nga mahimo ma-implementar sa 2026 ukon 2027 kun sa diin 24 hours na nga tayuyon ang water supply.
Isa sa ginaduso sang alkalde ang paghimo sang reserve supply kun sa diin ang mga tubig gikan sa deepwell ang gamiton na lamang nga reserba inkaso nga magnubo ang supply sang tubig gikan sa surface water kaangay sang mga suba.
