Nagpatigayon sang Water Summit ang Sangguniang Panglungsod sang ciudad sang Bacolod agud ma-address ang problema sa tubig sa ciudad.
Sa interview sang Bombo Radyo kay Councilor Claudio “Kalaw” Puentevella, chairman sang committee on health, ang water summit ang ginpatigayon agud mabatian ang sentimyento sang mga pumuluyo sang ciudad kag makadihon sang solusyon angot sa problema sang tubig.
Suno diri, ang summit ang isa ka pamaagi sa pagduso sang maayo nga serbisyo, kasunod sang isa ka tuig nga reklamo sang mga pumuluyo bangud sa kakulangan kag indi maayo nga kalidad sang tubig nga ginahatag sang water district.
Sa summit, ginplastar ang mga problema kag ang mga mahimo nga tikang agud nga masolusyunan ini.
Samtang, pahayag ni Puentevella, daan na ang water pipes sa ciudad kag indi man maayo ang ginahatag nga serbisyo sang Prime Water bisan pa sa ila pagpaninguha.
