Water summit nga ginpatigayon sa ciudad sang Bacolod, nangin madinalag-on

Nangin madinalag-on ang water summit nga ginpatigayon sang Sangguniang Panglungsod sang ciudad sang Bacolod.

Suno kay Bacolod City Mayor Alfredo Albee Benitez, sa summit ginplastar ang short term solusyon nga mahimo kasunod sa pagdamo sang reklamo sa problema sa tubig.

Suno diri, magadugang sang 15 million Litres kada adlaw gikan sa Bacolod Bulk Water Incorporated kag 5 million litres per day naman ang magagikan sa Alangilan Spring Water agud nga masolusyonan ang kakulangan sang tubig sa ciudad.

Ginalantaw sa karun nga posible duha tubtob tatlo ka bulan kag maka-abot ang supply sang tubig sa ciudad samtang ginpahayag man sang alkalde nga may yara gid sang kakulangan sa supply sang tubig sa ciudad.