Failure gid para sa convenor sa Water Watch Negros ang pito ka tuig nga kontrata sang Bacolod Bulk Water Inc. sa Bacolod City Water District.
Sa interview sang Bombo Radyo Bacolod kay Wennie Sancho, dapat nga irescind na ang kontrata bangod wala man sang bulk nga water supply nga nahatag sa mga konsumedor.
Kasubong man dapat nga irescind ang joint venture agreement sa tunga sang BACIWA kag Prime Water.
Ini ang ginabasol ni Sancho sa mga Board of Director sang BACIWA nga imbes magserbe para sa interes sang komumedor, ini ang nagaserbe para sa mga politiko kag vested interest, para man sa ila personal nga ganar.
Kabaylo sini, ginbaliwala nila ang ikasarang sa pagrescind sang kontrata kag ginabasura bisan ang iban nga water source apisar nga nakita na ang kapaltahan.
Paathag ni Sancho nga sang 2019, sila ang nakapadala na sang sulat kay anay BACIWA Board of Director Atty. Lorendo Dilag, kag ini ang naghatag man sang pasalig nga magapahibalo kun ini ang natapos na.
Apang tubtob sa karun sila ang wala makabatun sang sabat.// Panindugan ni Sancho nga yara sa ila ang kopya sang papelis gani sila ang may pamatuod, kag indi na mahambal sang mga board of directors nga sila ang wala nakabatun sang reklamo.
Suno diri, bilang public utility provider partikular na sang tubig, breach of contact ang kapaslawan sa paghatag sang basic water supply.
Ini ang dako naman nga insulto sa mga pumuluyo, bangod apisar nga may layi ini ang ginahipsan lamang kun sa diin ang mga Board of Directors sang BACIWA ang kaangay sang apa kag wala sang tingog.
Panawagan ni Sancho sa mga konsumedor nga maghugpong sa paghimo sang petisyon batok sa palpak nga serbisyo.
